«Սիրիայի բարեկամ երկրներ» խումբը որոշում է Սիրիայի ապագան

Թուրքիայի արտգործնախարար Ահմեդ Դավութօղլուն, անդրադառնալով Թուրքիա-Սիրիա ռազմական գործողություններին, հանդես է եկել պաշտոնական հայտարարությամբ, ըստ որի՝ Թուրքիան կողմ է Սիրիայում անցողիկ կառավարության ստեղծմանը, որը կփոխարինի Ասադի ներկայիս  կառավարությանը. հաղորդում են թուրքական Hurriyet-ն ու Zaman լրատվական գործակալությունը: Վերջինիս խոսքերով՝ նշյալ քայլը միայն թույլ կտա թուրքական կողմին քաղաքական երկխոսության մեջ մտնել Սիրիայի հետ, ինչը ներկայումս հնարավոր չէ իրականացնել Բաշար ալ Ասադի ռեժիմի հետ: Հարկ է նշել, որ այս տարվա նոյեմբերի 8-ին «Սիրիայի բարեկամ երկրներ» խմբի նախաձեռնությամբ (որի մեջ մտնում են մուսուլմանական երկրներից Քաթարը, Թուրքիան, Հորդանան և Սաուդիան Արաբիան) կայանալու է հանդիպում, որի ընթացքում քննարկվելու է Սիրիայի ընդդիմության հետագա գործողությունների ընթացքը:

Արդյունքներն ամփոփվելու են դեկտեմբեր ամսին: