Պակիստանի վարչապետը հայտնել է, թե որ դեպքում իր երկիրը կճանաչի Հայաստանի անկախությունը

Պակիստանի վարչապետ Շահբազ Շարիֆը Ադրբեջանի նախագահ Ալիեւի հետ Բաքվում կայացած բանակցություններից հետո հայտարարել է, որ Պակիստանը Հայաստանի հետ դիվանագիտական ​​հարաբերություններ չունի, հաղորդում են ադրբեջանական լրատվամիջոցները։

Նա պայման է առաջ քաշել՝ նշելով, որ Պակիստանը «կարող է վերադառնալ այդ հարցին միայն Բաքվի և Երևանի միջև խաղաղության պայմանագրի կնքումից հետո»։

«Եվ միայն այն դեպքում, եթե մենք համապատասխան ազդանշան ստանանք Ադրբեջանից»,- հավելել է նա։