Տղամարդուն մեղադրանք է առաջադրվել այն բանից հետո, երբ քնած ժամանակ պատահաբար կրակել է իր վրա

Իլինոյսի 62-ամյա բնակիչ Մարկ Դիկարան ձերբակալվել է այն բանից հետո, երբ նրան կասկածել են իր վրա զինված հարձակում գործելու մեջ։ Այս մասին հայտնում է WGN-TV-ն՝ հղում կատարելով շրջանի շերիֆի գրասենյակին։

Ոտքի հրազենային վնասվածք ստացած Դիկարային ոստիկանությունը հայտնաբերել է իր տանը ապրիլի 10-ի երեկոյան։ Հետաքննությունից հետո ոստիկանությունը եզրակացրել է, որ տղամարդը կրակել է ինքն իրեն քնած ժամանակ։ Քննիչների խոսքով՝ Դիկարան երազ է տեսել, որ ավազակները ներխուժել են իր տուն։ Շարունակելով քնած մնալ՝ նա հանել է Մագնում 357 տրամաչափի ատրճանակը և կրակել գոյություն չունեցող ներխուժողի վրա: Տղամարդը, ինչպես վստահեցնում են ոստիկանությունը, արթնացել է միայն այն բանից հետո, երբ գնդակը դիպել է ոտքին։

Հետաքննության արդյունքում Դիկարային մեղադրանք է առաջադրվել հրազենի անզգույշ օգտագործման համար։ Բացի այդ, ոստիկանները կասկածել են, որ տղամարդը ատրճանակը ապօրինի է պահել։ Դիկարան դատարան կներկայանա հունիսի 29-ին։ Այժմ նա ազատ է արձակվել 150 հազար դոլար գրավի դիմաց: