Տեղատարափների պատճառով Բերդաշեն-Աշան հատվածը փակ է. դժվարանցանելի է Հերհեր-Ծովատեղ հատվածը

Երեկ տեղացած հորդառատ անձրևը ողողել է Մարտունու շրջանի Բերդաշեն-Աշան ճանապարհահատվածը, այն լցրել ջրաբերուկներով, ինչն էլ խոչընդոտ է հանդիսացել ավտոմեքենաների երթևեկության և մարդկանց տեղաշարժի համար:

Արցախի Արտակարգ իրավիճակների ծառայությունից հայտնում են, որ Հերհեր-Ծովատեղ հատվածում նույնպես հողն ու քարերը լցվել են ճանապարհին։

Նշված վայրերում ճանապարհների մաքրման աշխատանքներ են իրականացվում։