Հետազոտողները պարզել են, թե ինչպիսին կլինեն հեռավար եղանակով աշխատողները 80 տարի անց

Անգլիացի հետազոտողների խումբը ցույց է տվել, թե ինչպիսին կլինի հեռավար եղանակով աշխատողը 80 տարի հետո, գրում է Daily Mail-ը։ Մասնագետների կարծիքով, մինչև 2100 թվականը տնից աշխատող մարդիկ կունենան մուգ, այտուցված աչքեր և ճանկեր հիշեցնող մատներ:

Ինչպես պատմել են հետազոտողները, ապագայի հեռահար աշխատողի նախատիպը ստեղծելուն հուշել է Լիդսի համալսարանի կողմից անցկացված մեկ այլ ուսումնասիրություն: Դրանում ասվում է, որ տնից աշխատող բրիտանացիների մեկ երրորդն իր բնակարանում չունի հատուկ աշխատատեղ:

«Մենք օգտագործեցինք գիտական ​​հետազոտությունները և աշխատեցինք առողջապահության ոլորտի փորձագետների հետ՝ ցույց տալու համար, թե ինչպիսին կարող է լինել ապագայի հեռավար աշխատողը», - ասել են գաղափարի հեղինակները:

Ստացված նախատիպը ստացել է Աննա անունը: Մասնագետները նրան մոդելավորել են կռացած մեջքով և բարձրացած ուսերով, այդպպես է անկողնում աշխատելը ազդել է նրա վրա: Բացի այդ, նա ունի այտուցված և կարմրած աչքեր՝ մոնիտորի հետ աչքի մշտական ​​շփման պատճառով:

Ապագայի հեռավար աշխատողի ձեռքերի մատները, ըստ մասնագետների, ամբողջությամբ չեն թեքվի և կսկսեն նմանվել ճանկերի, ինչպես ցույց է տրված Աննայի օրինակում: Այս դեֆորմացիան բացատրվում է համակարգչային մկնիկի ձևով, որն օգտագործում է մարդն աշխատելիս։

Բացի այդ, Աննան դարձել է ավելորդ քաշի և թույլ իմունիտետի զոհ՝ մաքուր օդի բացակայության, ինչպես նաև անհանգստության ու դեպրեսիայի պատճառով։ Ելնելով ստացված եզրակացություններից՝ առողջապահական փորձագետները հորդորում են հեռավար եղանակով աշխատողներին քայլեր ձեռնարկել առողջ մնալու համար:

«Դուք պետք է կանոնավոր ընդմիջումներ կատարեք, որպեսզի ձգվեք և շարժվեք՝ մեջքի և պարանոցի ցավից խուսափելու համար», - խորհուրդ է տվել բժիշկ Բրայան Քլարկը:

Այս թեմայով Վահագն Խաչատուրյանը ոգեշնչվել է որդուց և որոշել ինքն էլ գիտնական դառնալ. Հրապարակ Երկու երիտասարդ գիտնական ազատվեց բանակից 13 գիտնական վերապատրաստում կանցնի արտերկրի գիտական կազմակերպություններում Գիտնականները պարզել են, թե կրծքավանդակի ինչպիսի ցավն է կյանքի համար վտանգավոր Գիտնականները պարզել են լավ քնի գաղտնիքը