Ֆրանսիայում երկրաշարժի հետևանքով՝ կան ավերածություններ (լուսանկարներ)

Հունիսի 16-ի երեկոյան առնվազն 5,3 մագնիտուդ ուժգնությամբ երկրաշարժի հետևանքով՝ Ֆրանսիայի արևմուտքում տասնյակ տներ և մի քանի եկեղեցիներ վնասվել։ Այս մասին շաբաթ օրը հայտարարել է Դյո-Սևրի դեպարտամենտի պրեֆեկտուրան, գրում են միջազգային ԶԼՄ-ները։

«Ուրբաթ օրը՝ ժամը 23:30-ի դրությամբ (Երևանի ժամանակով՝ 01:30-ի դրությամբ) մեկ մարդ ստացել է թեթև վնասվածքներ, նրան ցուցաբերվել է օգնություն: Երկրաշարժը հանգեցրել է բազմաթիվ նյութական վնասների, այդ թվում՝ քարերի անկման, ճաքերի և տանիքների մասնակի փլուզման»,- ասվում է գերատեսչության հաղորդագրության մեջ։

Անվտանգության նկատառումներից ելնելով՝ 35 հոգի ժամանակավորապես տեղափոխվել են հարազատների մոտ կամ քաղաքապետարանի կողմից հատուկ նշանակված տարածքներ։ Սեն-Իլեր-լա-Պալյու կոմունայի եկեղեցին շրջափակվել է, փորձագետները գնահատում են դրա վիճակը երկրաշարժից հետո։

Ինչպես շաբաթ օրը հայտնել է Դոս-Սևրի պրեֆեկտուրան, ժամը 04:27-ին (Երևանի ժամանակով՝ 05:27-ին) սեյսմոլոգները 5 բալ ուժգնությամբ ևս մեկ ցնցում են գրանցել նույն տարածքում, որտեղ տեղի է ունեցել առաջինը: Նրա ուժգնությունը գնահատվում է 5,3-5,8 բալ։