Նիկոլը ուղիղ եթերում խաբում է․ հոկտեմբերի 19-ից հետո ինչքան զոհ տվել ենք քո խղճին է, դատվելու ես

ՀՀԿ խոսնակ Էդուարդ Շարմազանովը ֆեյսբուքյան իր էջում գրել է.

«Հենց հիմա Նիկոլը ուղիղ եթերում խաբում է։

Նա չի ասում ամենակարեւորը. հոկտեմբերի 19-ին նա մեզ ասել է, որ պատերազմն արդեն տանուլ է տրված, ու սա պարտություն է։ Ու իմանալով, որ պարտվել է, շարունակել է հազարավոր նոր զոհեր տալ հոկտեմբերի 19-ից հետո։

Նա նաեւ ասել է, որ խնդրել  է Պուտինին ՀՀ սահմանին ռուսական դրոշներ տեղադրել, որ Ադրբեջանը չներխուժի Սյունիք, իսկ հիմա եկել ազգային տղա է խաղում, թե թույլ չեմ տվել Մեղրիում խաղաղապահներ ու միջանցք։

Հիմա համեմատեք հոկտեմբերի 19-ի առաջարկն ու նոյեմբերի 9-ի փաստաթուղթը։

Եթե հոկտեմբերի 19-ին Շուշին մնում էր հայկական վերահսկողության տակ՝ թեկուզ ադրբեջանցիների վերաբնակեցման հեռանկարով, ապա նոյեմբերի 9-ին Շուշին անցավ Ադրբեջանի վերահսկողության։

Հոկտեմբերի 19-ին Շուշիում ծածանվելու էր Արցախի դրոշը, իսկ Ամենափրկիչ եկեղեցու վրա՝ խաչը։ Իսկ այսօր այնտեղ ադրբեջանական դրոշ է, խաչն էլ հանված է։

Հոկտեմբերի 19-ից հետո հազարավոր տղաներ զոհվեցին։

Հոկտեմբերի 19-ից հետո ինչքան զոհ տվել ենք՝Նիկոլի խղճին է։

Ու դրա համար նա դատվելու է»։