Անհետացած սուզանավի սեփականատիրոջ կինը «Տիտանիկի» ուղևորների ծոռնուհին է (լուսանկարներ)

Անհետացած «Տիտան» սուզանավի հինգ ուղևորներից մեկի՝ OceanGate-ի հիմնադիր Սթոքթոն Ռաշի կինը «Տիտանիկի» կործանման ժամանակ զոհված մագնատ Իսիդոր Շտրաուսի և նրա կնոջ՝ Իդայի ժառանգն է, գրում է The New York Times-ը։

Հրատարակության տվյալներով՝ սուզանավի սեփականատիրոջ կինը՝ Վենդի Ռաշը, պարզվել է, որ 1912 թվականին նավի վրա մահացած Շտրաուսի և նրա կնոջ՝ «ամենահարուստ մարդկանցից երկուսի» ծոռնուհին է։

Ըստ արխիվային տվյալների՝ Շտրաուսն ու նրա կինն առաջին դասի ուղեւորներ են եղել։ Վթարից փրկվածները հիշում են, որ մագնատը հրաժարվել է փրկարարական նավում իր տեղից, քանի որ կանայք և երեխաները դեռ սպասում էին խորտակվող նավից փախչելուն: Ընդ որում, Իդա Շտրաուսը, ում հետ տղամարդը ամուսնացած է եղել քառասուն տարի, հրաժարվել է լքել ամուսնուն։

Ինչպես գրում է NYT-ը, այս դրվագը ցուցադրվել է Ջեյմս Քեմերոնի «Տիտանիկ» դրամայում (1997 թ.): Նշվում է, որ Շտրաուսի մարմինը ծովում հայտնաբերվել է աղետից մոտ երկու շաբաթ անց, նրա կնոջ մասունքներն այդպես էլ չեն հայտնաբերվել։

Վենդի Ռաշը Շտրաուսի դուստրերից մեկի ժառանգն է, նա ամուսնացել է OceanGate-ի հիմնադրի հետ 1986 թվականին։