Ոչ պարենային ապրանքների ամենամեծ գնաճն արձանագրվել է Դիլիջանում

2012թ. Հոկտեմբերին, սեպտեմբերի համեմատ, ոչ պարենային ապրանքների շուկայում գրանցվել է 0.9% գնաճ, ինչը մեծապես պայմանավորվել է հագուստի և գործվածքի` 1.0%, լվացող միջոցների` 1.0%, դեղամիջոցների` 1.3%, ոսկերչական ապրանքների` 2.0%, կոշկեղենի` 2.3%, վառելիքի` 3.2% գնաճով:

Այս տարվա հոկտեմբերին, սեպտեմբերի համեմատ, հանրապետությունում արձանագրվել է գրենական պիտույքների` 0.1%, անձնապիտո ապրանքների` 0.2%, խոհանոցային սպասքի` 0.3%, կահույքի` 0.4%, գորգեղենի` 0.5%, կենցաղային էլեկտրաապրանքների` 0.5%, գեղահարդարման ապրանքների` 0.6%, տեքստիլեղենի` 0.7% գնաճ, իսկ մշակույթի, այգեգործական ապրանքների, շինանյութերի ապրանքախմբերում` 3.0-1.0% գնանկում:

2012թ. Հոկտեմբերին, սեպտեմբերի համեմատ, հանրապետությունում գրանցվել է բենզինի և դիզելային վառելիքի` համապատասխանաբար 0.2% և 0.1% գնաճ: 2012թ. հոկտեմբերին 2011թ. հոկտեմբերի համեմատ բենզինի և դիզելային վառելիքի գներն աճել են համապատասխանաբար 13.6% և 9.2%-ով, իսկ 2011թ. դեկտեմբերի համեմատ` 13.4% և 6.9%-ով:

Հանրապետության դիտարկված բոլոր քաղաքներում 2012թ. հոկտեմբերին սեպտեմբերի համեմատ արձանագրվել է ոչ պարենային ապրանքների 0.2-2.6% գնաճ, այդ թվում, գնաճի ամենաբարձր ցուցանիշն արձանագրվել է ք.Դիլիջանում:

Մայրաքաղաքում ոչ պարենային ապրանքների գներն աճել են 0.7%-ով: