Կնոջ մի աչքը կուրացել է հեռախոսի էկրանին երկար նայելու պատճառով
Այլ
Չինաստանի Հունան նահանգի Չժանցզյացզե քաղաքի բնակչուհին որոշ ժամանակով կորցրել է աջ աչքի տեսողությունը՝ չափազանց երկար բջջային հեռախոսի էկրանին նայելու հետևանքով։ Այս մասին հայտնում է MS News-ը։
24-ամյա Սյաո Շենը շատ ժամանակ է անցկացրել՝ պառկելով աջ կողմի վրա և նայելով բջջային հեռախոսի էկրանին։ Ընդ որում, նա ունի կարճատեսության բարձր աստիճան։
Օգոստոսի 23-ին՝ աշխատանքից հետո, կինը պարզել է, որ մի աչքով կուրացել է։ Հաջորդ օրը նրա տեսողությունը վերադարձել է, բայց նա անմիջապես դիմել է բժշկի։ Ախտորոշումը ցույց է տվել, որ չինուհու մոտ ախտահարումներ են եղել աչքի հատակին։ Այս վիճակը հակված է զարգանալ շատ ծանր կարճատեսություն ունեցող մարդկանց մոտ:
Հիվանդությունը դժվար է բուժել բժշկական և վիրաբուժական ճանապարհով: Բժիշկը բացատրել է, որ հիվանդի՝ մթության մեջ, կողքի պառկած բջջային հեռախոս օգտագործելու սովորությունը կարող է վատթարացնել տեսողությունը։
Բժշկի մոտ այցելությունից հետո Շենը սկսել է դեղորայք ընդունել՝ տեսողությունը պաշտպանելու համար։ Նա նախատեսում է վեց ամիսը մեկ ստուգել իր աչքերը:
ՈՒՂԻՂ ԵԹԵՐ
Ամենադիտված 
Հայաստանը և Ադրբեջանը տարածքների փոխանակում պետք է իրականացնեն. Փաշինյան
