Առանց Արցախի անվտանգ Հայաստան չի լինելու և առհասարակ, նման պայմաններում Հայաստան լինել չի կարող. փորձագետ
Հասարակություն
Ռազմական փորձագետ Դավիթ Ջամալյանը սրտի կսկիծով «Հրապարակին» պատմեց, որ ժամեր առաջ Արցախում զոհվել է իր մտերիմ ընկերներից մեկը:
Փորձագետը երկար չխոսեց, բայց ասաց, որ հաջորդը Հայաստանն է լինելու և բոլոր նրանք, ովքեր կարծում են, թե Երևանի դռանն այս «ուղտը» չի չոքելու, չարաչար սխալվում են.
«Հաջորդը Հայաստանն է լինելու, այդ ողբերգությունը չի ուշանալու: Առանց Արցախի, անվտանգ Հայաստան չի լինելու և առհասարակ նման պայմաններում Հայաստան լինել չի կարող», - նշեց նա: Ռազմական փորձագետը վստահ է, որ օրվա իշխանությունները 2020 թվականի 44-օրյա պատերազմից հետո ունեցել են բանակը զինելու հնարավորություն, սակայն դավադրաբար դա չեն արել.
«Ամեն ինչ կարելի էր փոխել այս տարիների ընթացքում, այլ ոչ թե բերել հասցնել այս անարժանապատիվ խայտառակությանը: Կործանում է սա, սարսափ: Հայաստանի իշխանություններն իրավիճակը փոխելու հնարավորություն ունեցել են, սակայն չեն արել: Չեն էլ անելու՝ երբ հերթը հասնի Հայաստանին: Ցավում եմ, բայց սա է փաստը, եթե սրանք շարունակեն իշխանավարել»,- նշեց Դավիթ Ջամալյանը:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
