Քվանտային խաղում «Գուգլի» պրոցեսորը հաղթեց փորձերի 98,3 տոկոսում
Գիտություն և Մշակույթ
Google Quantum AI-ի թիմը նոյեմբերի 19-ին «Science» ամսագրում ներկայացրել է իր Willow քվանտային պրոցեսորով անցկացրած փորձի արդյունքները։ Երկու խաղացողների գործողությունները համաձայնեցնելու մի խաղում սարքը հաջողության է հասել փորձերի 98,3 տոկոսում։ Նույն կանոններով դասական ռազմավարության առավելագույն արդյունքը 88,9 տոկոս է։
Խաղի մասնակիցներից մեկը ստանում է աղյուսակի տող, մյուսը՝ սյունակ։ Յուրաքանչյուրը, պահպանելով իր տողի կամ սյունակի համար սահմանված կանոնը, ընտրում է թվերը։ Հաղթելու համար հատման վանդակում նրանց պատասխանները պետք է համընկնեն։ Փորձում յուրաքանչյուր խաղացողի տրամադրվել էր երկու քուբիթ՝ քվանտային տեղեկության երկու միավոր։
Առանձին առաջադրանքներում թիմը նույն երևույթն ուսումնասիրել է մինչև 105 քուբիթով։ Չափման արդյունքը կարող է կախված լինել նրանից, թե միաժամանակ ուրիշ ինչ համատեղելի մեծություններ են չափվում։ Ըստ հեղինակների՝ այս հատկության ստուգումը նաև օգնում է հայտնաբերել պրոցեսորի դժվար նկատելի սխալները։


















































Ամենադիտված
Ծովագյուղի Վահրամն ու ՔՊ-ն՝ ընդդեմ Սևանի քաղաքապետի. ընտրությունների գլխավոր ինտրիգը