Վաղը ժամը 6-ին ես կասեմ Ազգային կոմիտեի կազմը եւ թե ինչ գործունեությամբ ենք զբաղվելու. Վազգեն Մանուկյան

Մենք ունենք պետություն ունենք, բանակ ու մեր աչքի առաջ անկախ Հայաստան պետությոան աչքի առաջ տեղահանություն ու կոտորած է տեղի ունենում մեր հայրենակիցների հետ Արցախում. Ո՞վ կհավատար դրան: Այս մասին այսօր՝ սեպտեմբերի 20-ին, Հանրապետության հրապարակում հանրահավաքի ժամանակ նշեց նախկին վարչապետ Վազգեն Մանուկյանը, գրում է News.am–ը:

«Էրդողանն ասում է՝ մենք դեռ պայմանավորվածություններ ունենք Նիկոլի հետ Սյունիքի վերաբերյալ, անկլավների վերաբերյալ: Ի՞նչ է նշանակում պայմանավորվածություն: Պայմանավորվածություն նշանակում է, որ ես քեզ սա եմ տալիս, դու ինձ սա ես տալիս: մենք որեւէ բան ստացե՞լ ենք Ադրբեջանից կամ Թուրքիայից: Չենք ստացուլ, ուրեմն ո՞վ է ստացել, ուրեմն ստացել է Նիկոլը: Փաստորեն ամենակոռումպացված թղթակիցը կոռուպցիայի դեմ պայքարի դրոշ բարձրացրեց, ու դարձավ Հայաստանի ղեկավար: Չլինի Նիկոլը, չեն լինի պայմանավորվածությունները»,-ասաց նա:

Վազգեն Մանուկյանը հայտարարեց, որ երբ Ռուսաստանի կողմից անընդհատ նշվում է, որ Հայաստանը Արցախը ճանաչել է Ադրբեջանի կազմում, դրա համար են իրենք իրենց այդպես պահում, դա պարզապես պատրվակ է. «Ուղղակի իրենք մտել են Թուրքիայի հետ մի դաշինքի մեջ եւ ինչ-որ բան իրենց շահերից այստեղ պետք է զոհաբերեին: Իրենք պետք է զոհաբերեին այսքան, բայց Նիկոլի շնորհիվ զոհաբերեցին շատ ավելի շատ: Պետք չի հուսահատվել, այդ բոլորի հետ կարելի է լեզու գտնել, ուղղակի պետ է կարողանանք ապացուցել, որ մենք ամուր ժողովուրդ ենք, կարողանում ենք մեզ պաշտպանել, կարողանում ենք մեր իշխանությունը մենք ձեւավորենք:

Սա քաղաքական պայքար չէ, այստեղ մեր ազգի թշնամին նստած է Երեւանի կենտրոնում ու ես համաձայն չեմ, որ ասում են՝ հանգիստ եղեք: Չի կարող լինել ազգային շարժում, եթե մեջը չկա սեր ու ատելություն, մեեջներդ թող բոցկլտա սերը երկրի, եւ ատելությունը թշնամիների նկատմամբ: Միայն խելքը հարցը չի լուծելու, զգացմունքները եւս պետք են»,-ասաց նախկին վարչապետը:

Նա կանխատեսեց, որ երկիրը ոտքի է կանգնելու եւ մենք այս փորձութհյունից ուժեղացած ենք դուրս գալու:

Խոսելով հետագա անելիքների մասին, նա ասաց. «Այժմ ստեղծվում է կոմիտե, գնում են բանակցություններ տարբեր ուժերի հետ. «Ամբողջ քաղաքական դաշտը պետք է ենթարկվի այդ կոմիտեին իշխանություն փոխելու հարցում: Վաղը ժամը 6-ին, երբ այստեղ հավաքվենք, ես ձեզ կասեմ կոմիտեի կազմը եւ կասեմ՝ ինչ գործունեությամբ ենք մենք զբաղվում»: