«Ճիչ 7» սարսափ ֆիլմը կորցրել է ևս մեկ դերասանուհու
Ժամանց
Դերասանուհի Ջեննա Օրտեգան չի պատրաստվում վերադառնալ «Ճիչ» սարսափ ֆիլմի յոթերորդ մասում՝ «Ուենսդեյ» սերիալի երկրորդ եթերաշրջանի նկարահանումների պատճառով, հայտնում է Deadline-ը։
Ըստ հրապարակման՝ Օրտեգայի՝ նախագծից հեռանալու մասին խոսվում էր դեռևս ԱՄՆ Դերասանների Գիլդիայի գործադուլի մեկնարկից առաջ։ Ինսայդերները պնդում են, որ նոր «Ճիչ»-ի սցենարը դեռ ավարտված չէ, և դերասանուհին արդեն ապրիլին պետք է սկսի աշխատել «Ուենսդեյ» սերիալի շարունակության վրա։
Աղբյուրները նշում են նաև, որ Օրտեգայի հեռանալը կապ չունի դերասանուհի Մելիսա Բարերայի հեռացման հետ։ Ստուդիան հրաժարվել է համագործակցել նրա հետ սոցիալական ցանցերում պաղեստինա–իսրայելական պատերազմի մասին մի շարք գրառումներից հետո:
Աստղը գրել էր, որ Գազայի հատվածի բնակիչներին «վերաբերվում են համակենտրոնացման ճամբարի բանտարկյալների պես»՝ էթնիկ զտում անվանելով տեղի ունեցողը։
Spyglass Media Group կինոընկերությունն իր հերթին նշել է, որ ստուդիայի դիրքորոշումը Բարերային աշխատանքից հեռացնելու վերաբերյալ պարզ է. իրենք չեն հանդուրժում «հակասեմիտիզմը և ատելության խոսքը որևէ ձևով»։
Ամենադիտված 
Մնաս բարյավ. Րաֆֆի Հովհաննիսյան
