Բժիշկները հայտնել են՝ արդյոք տղամարդու սեռական օրգանի չափսը կարող է փոխվել տարիքի հետ

Անդրոլոգ Լուո Ցզինհանը և Հադսոնի ինստիտուտից ռեպրոդուկտոլոգ Ռոբ Մաքլաքլանը հայտնել են, որ տղամարդու սեռական օրգանի երկարությունը, հաստությունը և տեսքը չպետք է էականորեն փոխվեն տարիքի հետ։ Այս մասին հայտնում է The Conversation-ը։

Մասնագետները բացատրել են, որ առնանդամի չափսերի նվազումը կարող է պայմանավորված լինել որոշ հիվանդություններով, ինչպիսիք են գիրությունը և Պեյրոնիի հիվանդությունը, ինչպես նաև շագանակագեղձի նախկինում արված վիրահատությունը։ Որովայնի ստորին հատվածում ավելորդ ճարպի կուտակումը կապված է առնանդամի տեսողական փոքրացման հետ։ 

Վատ սովորությունները, շաքարախտը, հիպերտոնիան և սեռական ճանապարհով փոխանցվող որոշ հիվանդություններ կարող են հանգեցնել երկարատև բորբոքային գործընթացի, ինչը կարող է հանգեցնել էրեկցիայի ժամանակ առնանդամի կորության։

Բժիշկները նշել են, որ առնանդամի ֆիզիկական և ֆունկցիոնալ փոփոխությունները տղամարդու ընդհանուր առողջության և ինքնազգացողության նշաններ են: Մասնագետները նաև ավելացրել են, որ էրեկտիլ դիսֆունկցիան կամ իմպոտենցիան կարող են վկայել այնպիսի լուրջ խնդիրների առկայության մասին, ինչպիսիք են սրտի հիվանդությունը, արյան բարձր ճնշումը, շաքարախտը և նյարդային համակարգի խանգարումները։ Անդրոլոգը և ռեպրոդուկտոլոգը տղամարդկանց խորհուրդ է տվել պարբերաբար այցելել բժշկի և անցնել անհրաժեշտ հետազոտություններ։