Ակադեմիական քաղաքում կգործեն նաև սպայական և արվեստների ավագ դպրոցներ
Հասարակություն
Հայաստանում նախատեսվող Ակադեմիական քաղաքում կգործեն նաև ավագ դպրոցներ, օրինակ՝ արվեստների ավագ դպրոց, սպայական ավագ դպրոց:
«Արմենպրես»-ի փոխանցմամբ՝ այս մասին ասաց Հայաստանի վարչապետ Նիկոլ Փաշինյանն ուղիղ եթերում՝ պատասխանելով քաղաքացիների հարցերին:
«Ակադեմիական քաղաքում մենք նաև նախատեսում ենք ավագ դպրոցներ ունենալ: Հիմա վստահ գիտենք, որ Ակադեմիական քաղաքում ուզում ենք արվեստների ավագ դպրոց, նաև սպայական ավագ դպրոց ունենալ, որպեսզի այնտեղ ավարտածներն ավելի հեշտությամբ ընդունվեն սպայական և արվեստների համալսարան»,-ասաց Փաշինյանը:
Վարչապետի խոսքով՝ կառավարության խնդիրն է, որ Ակադեմիական քաղաքում բոլոր բուհերը հագեցած լինեն լաբորատոր սարքավորումներով, Արվեստների համալսարանն, օրինակ, ունենա պատշաճ բեմ, երաժշտական գործիքներ, անհրաժեշտ բոլոր գործիքներն ու տեխնիկան:
Վարչապետը կարևորեց նաև այնպիսի ֆինանսական միջոցներ գեներացնելը, որ բարձրացնեն դասախոսների աշխատավարձերը, դասախոսի աշխատանքի գրավչությունն ու հրավիրեն միջազգային հեղինակություն ունեցող դասախոսների:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
