Ղարաբաղը երբեք Հայաստանի պետականության, հայ ժողովրդի համար բեռ չի եղել. Սերժ Սարգսյան
Քաղաքական
Իմ խորին համոզմամբ, վերջին 100 տարվա մեջ հայ ժողովրդին այսպիսի ողբերգություն չէր պատուհասել, հայտարարել է ՀՀ երրորդ նախագահ Սերժ Սարգսյանը:
«Այդ ընթացքում, իհարկե, եղել են բազմաթիվ պրոբլեմներ, եղել է կուլակաթափություն, եղել է 1930-ականներին մարդկանց անտեղի գնդակահարություններ, եղել է հայրենական պատերազմ, որտեղ հարյուր հազարավոր հայեր են զոհվել:
Իհարկե, եղել է ավերիչ երկրաշարժ, բայց այսպիսի ողբերգություն չի եղել: Այս գիտակցումը, ցավոք սրտի, մեր հասարակության մեջ դեռեւս ամբողջովին առկա չէ, որ այդ ողբերգությունն ամենածանր ու ցավոտ հարվածն է եղել մեր պետականությանը»,-ասաց նա:
Սերժ Սարգսյանն ընդգծեց, որ Լեռնային Ղարաբաղի համար պայքարը եղել է Հայաստանի պետականության համար պայքար. «Այդ խնդիրը, երբ մենք առաջ էին մղում, այդ գիտակցությամբ էինք առաջ մղում: Ղարաբաղը երբեք Հայաստանի պետականության, հայ ժողովրդի համար բեռ չի եղել, ընդհակառակը՝ եղել է փրկօղակ: Այս ողբերգությունը մեզ զրկեց մեր հիմնասյուներից մեկից: Առաջին հերթին պետք է մտածել դրա մասին և ոչ թե անձերին, առանձին քաղաքական ուժերին թիրախավորելու մասին։ Թող թիրախավորեն, հատկապես այդ թիրախավորումների ճնշող մեծամասնությունն ուղղակի զրպարտություններ են, ժամանակի ընթացքում իրենք էլ են տեսնում, որ զրպատություններ են»,- ասաց Սերժ Սարգսյանը։
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
