Մասկը ժամանել է Իսրայել

Ամերիկացի գործարար Իլոն Մասկն այսօր՝ նոյեմբերի 27-ին, մասնավոր ինքնաթիռով ժամանել է Թել Ավիվ, հայտնում է Reuters-ը։ Մասկը հանդիպել է վարչապետ Բենիամին Նեթանյահուի հետ,  կհանդիպի նաև Իսրայելի նախագահ Իսահակ Հերցոգի և ռազմական կաբինետի նախարար Բենի Գանցի հետ, հաղորդում է Bloomberg-ը։

Իլոն Մասկն արդեն այցելել է Կիբուց Քֆար Ազա, որը նոյեմբերի 7-ին հարձակման էր ենթարկվել ՀԱՄԱՍ-ի կողմից։ Իսրայելի իշխանությունները նրան ցույց են տվել պաղեստինցի գրոհայինների հարձակման հետեւանքները։

Նախագահի գրասենյակի տվյալներով՝ այցը կներառի «փակ քննարկում» Գազայի հատվածում պատանդների ընտանիքների ներկայացուցիչների հետ։ Գործակալությունը պարզաբանում է, որ Իսրայելի կառավարությունը նաև բանակցում է Մասկի հետ՝ կապված զինվորականների կողմից Starlink արբանյակային կապի ցանցի օգտագործման հետ։ Հոկտեմբերին գործարարն ասել էր, որ կարող է արբանյակներ տրամադրել Գազայի հատվածի օգնության կազմակերպություններին, ինչը հարուցել էր Իսրայելի պաշտոնյաների քննադատությունը: