Հասանովն անընդունելի է համարել «տարածաշրջանում իրավիճակը սրելու արտատարածաշրջանային երկրների փորձերը»
Արտաքին Քաղաքական
Ադրբեջանի պաշտպանության նախարար Զաքիր Հասանովն «անընդունելի է համարել Հարավային Կովկասում իրավիճակը սրելու արտատարածաշրջանային երկրների փորձերը»։
Այս մասին, ինչպես տեղեկացնում է ադրբեջանական «Report»-ը, Հասանովն ասել է Բաքվում Թուրքիայի և Վրաստանի պաշտպանության նախարարների հետ եռակողմ հանդիպման արդյունքներով կայացած մամուլի ասուլիսում։
Հասանովը նշել է, որ թուրք և վրացի գործընկերների հետ քննարկել է տարածաշրջանում խաղաղության, կայունության և անվտանգության ապահովման կարևորությունը։
«Տարածաշրջանում ահաբեկչական և անջատողական գործողությունների շարունակությունն ուղղակի սպառնալիք է խաղաղությանն ու կայունությանը, տնտեսական զարգացմանը, ինչպես նաև տարածաշրջանում միջազգային նախագծերի իրականացմանը։ Մենք անընդունելի ենք համարում տարածաշրջանում իրավիճակը սրելու արտատարածաշրջանային երկրների փորձերը։ Հակամարտությունները պետք է լուծվեն միջազգային իրավունքի նորմերի և սկզբունքների հիման վրա»,- ասել է Հասանովը։
ՈՒՂԻՂ ԵԹԵՐ
Ամենադիտված 
Ստեփան Դեմիրճյանին հրապարակային զգուշացնում եմ․ Քեզ տրվում է 24 ժամ ժամանակ. Լեւոն Բաղդասարյան
