Դիսնեյլենդում մերկ տղամարդու են ձերբակալել

Դիսնեյլենդ զվարճանքի այգում (​​Կալիֆորնիա, ԱՄՆ) մերկ տղամարդ է ձերբակալվել։ Այս մասին հայտնում է Deadline-ը։

Նոյեմբերի 26-ին տղամարդը մերկացել է հայտնի «It's A Small World» ատրակցիոնի ժամանակ, որի շրջանակներում այգու հյուրերը նավարկում են տարբեր վայրերով, որտեղ տիկնիկները պարում են ազգային տարազներով և Դիսնեյի մուլտֆիլմերի կերպարներով:

Տղամարդը նավակից իջել է ջուրը, մերկացել և բարձրացել Հնդկաստանին նվիրված դեկորացիաների վրա։ Սոցցանցերում հրապարակված տեսանյութերում կարելի է լսել, թե ինչպես են մյուս հյուրերը խնդրում նրան կանգ առնել՝ անհանգստանալով, որ նա կփչացնի դեկորացիաները:

Դրանից հետո մենեջերը մոտ մեկ ժամով կանգնեցրել է ատրակցիոնը։ Մերկացած տղամարդուն բերման են ենթարկել Դիսնեյլենդի աշխատակիցները, որոնք նրան հանձնել են ոստիկանությանը։