Ադրբեջանն ունի ծավալապաշտական նկրտումներ․ Անուշ Քլոյան
Արտաքին Քաղաքական
Ողջունում եմ ձեզ Հայաստանի Ազգային ժողովում: Ուրախ եմ, որ եկել եք Հայաստան: Նման հանդիպումները նպաստում են զարգացնելու երկկողմ հարաբերությունները, հնարավորություն ընձեռում քննարկելու տարածաշրջանային հարցեր. ասել է ՀՀ ԱԺ Հայաստան-Լիտվա բարեկամական խմբի ղեկավար Արսեն Թորոսյանը նոյեմբերի 28-ին Լիտվայի խորհրդարանի Լիտվա-Հայաստան բարեկամական խմբի անդամների հետ հանդիպմանը: Այս մասին հայտնում են ՀՀ ԱԺ–ից։
Նշենք, որ Արսեն Թորոսյանի հրավերով եռօրյա այցով Հայաստան է ժամանել Լիտվայի խորհրդարանի Լիտվա-Հայաստան բարեկամական խմբի ղեկավար Ռայմունդաս Լոպատայի գլխավորած պատվիրակությունը:
Արսեն Թորոսյանը հյուրերին ներկայացրել է տարածաշրջանում տիրող անվտանգային իրավիճակը, խոսել սեպտեմբերին Լեռնային Ղարաբաղի ժողովրդի նկատմամբ Ադրբեջանի իրականացրած լայնածավալ ռազմական հարձակումից եւ դրա հետեւանքով ԼՂ լիակատար էթնիկ զտումից:
Հայաստան-Լիտվա բարեկամական խմբի ղեկավարը կարեւորել է Հայաստանում Եվրոպական միության մշտադիտարկման առաքելության դերակատարությունը:
Բարեկամական խմբի անդամ Անուշ Քլոյանն ընդգծել է, որ Հայաստանը ջատագովն է տարածաշրջանում կայունության եւ խաղաղության հաստատման եւ այդ ուղղությամբ քայլեր է ձեռնարկում: Պատգամավորի խոսքով Ադրբեջանի նախագահի հայտարարությունները վկայում են այն մասին, որ վերջինս չի ձգտում խաղաղության, քանի որ ունի ծավալապաշտական նկրտումներ:
Հայ խորհրդարանականները լիտվացի գործընկերներին ներկայացրել են ՀՀ կառավարության մշակած «Խաղաղության խաչմերուկ» նախագիծը, որի հիմքում դրված է տարածաշրջանում կապուղիների արդյունավետ ապաշրջափակման տեսլականը:
ՈՒՂԻՂ ԵԹԵՐ
Ամենադիտված 
Ստեփան Դեմիրճյանին հրապարակային զգուշացնում եմ․ Քեզ տրվում է 24 ժամ ժամանակ. Լեւոն Բաղդասարյան
