Բլոգերը նախկին սիրեցյալի հարսանիքին սպիտակ զգեստ է կրել ու արժանացել քննադատության

Բլոգեր Քերոլայն Ռիքեն իր նախկին սիրեցյալի հարսանիքին ճերմակ հանդերձանք է կրել և համացանցում քննադատության արժանացել: Համապատասխան հրապարակումը հայտնվել է նրա TikTok–յան էջում, որն ունի ավելի քան երեք միլիոն բաժանորդ։

Տեսանյութի սկզբում աղջիկը տեսախցիկի առջև ցույց է տվել երկու սպիտակ մինի երկարությամբ զգեստ, որոնցից մեկը նախատեսում էր կրել արարողությանը։ «Պատրաստվե՛ք ինձ հետ գալ իմ նախկին ընկերոջ հարսանիքին, և այո, ինձ հրավիրել են», - ասել է նա:

Բացի այդ, օգտատերն ասել է, որ ցանկանում է զույգին անսովոր ֆոտոալբոմ նվիրել։ Նրա խոսքով՝ այս նկարներն արվել են այն ժամանակ, երբ ինքը և փեսացուն հարաբերությունների մեջ են եղել։ «Սա Ջեքսոնի հետ ունեցած մեր հիշողությունների ալբոմն է: Սա այն օրն է, երբ մենք հանդիպեցինք նրա ծնողներին, և այսպիսի տեսք կունենար մեր ապագա երեխան, եթե նա ծնվեր»,- նշել է Ռիքեն և բացատրել, որ որոշել է դա անել, քանի որ իրենց սիրավեպի ընթացքում նա միշտ հրաժարվել է իր փոխարեն վճարել ռեստորաններում։

Օգտատերերից շատերին զարմացրել է տեսանյութի հեղինակի մտադրությունները։ «Ես չեմ հասկանում, թե ինչու պարզապես առաջ չես շարժվում: Դժվար է, բայց ամեն անգամ, երբ փորձում ես փչացնել ինչ-որ մեկի հատուկ պահերը, նմանվում ես հիմարի», «Սա խելագարություն է», «Պատրաստվո՞ւմ ես սպիտակ զգեստ կրել հարսանիքին: Դու աննորմալ ես»,- վրդովվել են նրանք: