Անցան գործի. «Փաստ»
Հայկական Մամուլ
«Փաստ» օրաթերթը գրում է.
Օրերս Նիկոլ Փաշինյանի կողմից դատաիրավական համակարգին բաց տեքստով տրված հստակ ցուցումներն ու հանձնարարականներն իրենց երկար սպասել չտվեցին։ «Փաստ» թերթի տեղեկություններով, մի քանի օր առաջ Քննչական կոմիտեում տեղի է ունեցել օպերատիվ հավաք, որին մասնակցել են քննչական կոմիտեի բոլոր վարչությունների պետերը։
Հանդիպմանը, ինչպես փոխանցում է թերթի աղբյուրը, նրանց փոխանցվել են փակ ցուցակներ, որտեղ ընդգրկված են եղել նախկին գյուղապետների, քաղաքապետների, քաղաքականությամբ զբաղվող ակտիվ «սաստավի» ներկայացուցիչների անուններ, ինչպես նաև բիզնեսով զբաղվող անհատների տվյալներ։ Իրավապահներին հստակ հանձնարարական է իջեցվել մեկ ամսվա կտրվածքով առանձին «պապկաներ» սարքել ներառված անձանց մասին և ներկայացնել Քննչական կոմիտեի գլխամաս։
Ի դեպ, թերթի տեղեկություններով, նշված ցուցակում ներառված է եղել նաև նախկին պետական օբյեկտների ցանկ, որոնք ներկայում հանդիսանում են մասնավոր անձանց սեփականությունը. հանձնարարվել է՝ գտնել հնարավոր բոլոր «զացեպկաները»՝ բռնագանձման անվան տակ դրանք պետականացնելու համար։ Նույն աղբյուրը հայտնում է , որ քննչականի բոլոր աշխատակիցներին հստակ հանձնարարական է իջեցվել մինչև տարեվերջ տվյալ ցուցակին ընթացք տալ և կատարված աշխատանքի մասին զեկուցել։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
