Վանգայի կանխատեսումները 2024 թվականի համար

Եկել է տարվա վերջին ամիսը, և մենք, ինչպես միշտ, ստանում ենք կանխատեսումների տարեկան չափաբաժին «բալկանյան Նոստրադամուսից»՝ Վանգայից, գրում է Euronews-ը։

Նրանց համար, ովքեր երբեք չեն լսել նրա մասին, Վանգելիա Պանդևա Գուշտերովան, որը հայտնի է որպես Բաբա Վանգա, ծնվել է 1911 թվականին և իբր մարգարեական ուժ է ունեցել:

Ըստ երևույթին, նրա բազմաթիվ կանխատեսումներ են իրականացել մահից հետո։ Օրինակ, ենթադրվում է, որ Բաբա Վանգան կանխատեսել է արքայադուստր Դիանայի մահը, ռուսական «Կուրսկ» սուզանավի խորտակումը և սեպտեմբերի 11-ի ահաբեկչությունը: Նա նույնիսկ իբր կանխագուշակել էր իր մահը 1996 թվականի օգոստոսի 11-ին՝ 85 տարեկանում։

Իհարկե, նրան վերագրվող կանխատեսումներից շատերը չեն կարող հաստատվել, քանի որ դրանք հիմնված են երկրորդ ձեռքի տվյալների վրա։

Ուստի այս ամենը պետք է ընդունել թերահավատության մեծ չափաբաժինով։ Ավելին, 2023 թվականին նրա կանխատեսումներից շատերն այդպես էլ չիրականացան։

Նա յոթ մարգարեություններ է արել 2024 թվականի համար, որոնք ներկայացնում ենք ստորև․

1) Պուտինի մահը

Վանգան կանխատեսել է, որ հաջորդ տարի ՌԴ նախագահ Վլադիմիր Պուտինի դեմ մահափորձ կլինի իր հայրենակիցներից մեկի կողմից։

2) ահաբեկչական և կենսաբանական հարձակումներ

Նա նախազգուշացրել է Եվրոպայում ահաբեկչությունների աճի մասին և նաև կանխատեսել է, որ «մեծ երկիրը» 2024 թվականին կենսաբանական զենքի փորձարկումներ կամ հարձակումներ կիրականացնի:

3) Մասշտաբային տնտեսական ճգնաժամ

Հավանաբար, հաջորդ տարվա ընթացքում դա կազդի համաշխարհային տնտեսության վրա, որի հիմնական գործոնները կլինեն պարտքի մակարդակի աճը և աշխարհաքաղաքական լարվածության էսկալացիան:

4) Կլիմայական աղետներ

Նա կանխատեսել է, որ հաջորդ տարի կլինեն սարսափելի եղանակային երևույթներ և բնական աղետներ:

5) Կիբերհարձակումների քանակի ավելացում

Ըստ հանգուցյալ պայծառատեսի՝ կիբերհարձակումների թիվը կավելանա։ Առաջադեմ հաքերները հարձակվելու են այնպիսի կարևոր ենթակառուցվածքների վրա, ինչպիսիք են էլեկտրացանցերը և ջրի մաքրման կայանները՝ վտանգ ներկայացնելով ազգային անվտանգությանը:

6) Բժշկական առաջընթացներ

Վանգայի խոսքով՝ 2024 թվականին կհայտնվեն անբուժելի հիվանդությունների, այդ թվում՝ Ալցհեյմերի հիվանդության և քաղցկեղի բուժման նոր միջոցներ։

7) Տեխնոլոգիական առաջընթաց

Քվանտային համակարգիչները լուրջ առաջընթաց կբերեն, քանի որ դրանք ավելի արագ են մշակում տեղեկությունը, քան ստանդարտ համակարգիչները: Նա նաեւ կանխատեսել է արհեստական ​​ինտելեկտի (AI) օգտագործման աճ։