Գյուղի ակումբի մոտ թափառող շները հարձակվել են, երեխայի սիրտը վախից ճաքել է. դպրոցի փոխտնօրեն
Հասարակություն
Արարատի մարզի Սուրենավան գյուղում շների հարձակման հետևանքով մահացած երեխան՝ 7-ամյա Ալիկն է։ Դպրոցի փոխտնօրեն Վալյա Ավետիսյանը «Փաստինֆոյի» հետ զրույցում պատմեց, որ դեպքը առավոտյան է տեղի ունեցել՝ դպրոց գնալու ճանապարհին։
«երևի 8.40 -ի սահմաններում իմացանք դեպքի մասին։ Դպրոցի ճանապարհին՝ ակումբի մոտ, շները հավաքված են եղել, թափառող շներ են այնտեղ պտտվում, որտեղ չկան դրանք։ Առավոտ շուտ տղան իր ընկերների հետ՝ 3-ով, դպրոց գնալիս են եղել, երբ շները հարձակվել են։ Երեխաները վազել են։ Ալիկը վազելիս ընկել է, սկզբում կարծում էինք, որ գլուխն է քարին կպել, բայց փաստորեն սիրտն է ճաքել վախից»։
Ավետիսյանը նաև նշեց, որ երեխայի մայրը նույն դպրոցում է աշխատում։ «Իմ աշակերտուհին է եղել, հիմա դպրոցի գործավարուհին է։ Բոլորս շատ ճնշված ենք, ուղղակի խոսելն անհնար է»։
Արարատ ԲԿ-ից «Փաստինֆոյին» հայտնեցին, որ երեխան մահացած է տեղափոխվել իրենց մոտ։
«Երեխայի մահվան հստակ պատճառը միայն վաղը հնարավոր կլինի ասել, երբ դատաբժշկական փորձաքննության արդյունքները պատրաստ կլինեն»,-ասացին ԲԿ-ից։
Ավելի վաղ հայտնել էինք, որ Սուրենավանում թափառող շները հարձակվել են դպրոց մեկնող երեխաների վրա, 7-ամյա տղա է մահացել։
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
