«Փախի՛ր արագ, փախի՛ր առանց հետ նայելու». Սաակաշվիլին կրկին դիմել է Փաշինյանին

Վրաստանի նախկին նախագահ Միխայիլ Սաակաշվիլին Ֆեյսբուքի իր էջում գրել է․

«Ռուսաստանն արգելել է հայկական գրեթե բոլոր գյուղմթերքների և հայկական կոնյակի ներկրումը։ Դե, Կրեմլի ղեկավարության մեջ նրանք, ովքեր սիրում են հայկական կոնյակը, իրենց չեն սահմանափակի (Վրացական գինու էմբարգոյից հետո դրանք (կոնյակը-խմբ․) Կրեմլի բուֆետում առանց խնդիրների հյուրասիրեցին վրացի լրագրողներին), իսկ հասարակ ռուսների կարծիքի վրա նրանք թքած ունեն։

Բայց այս արգելքը պետք է բոլոր կարմիր լույսերը վառի Փաշինյանի համար: Պուտինը ոչ թե սկսել է չսիրել հայկական կոնյակը, այլ հենց Փաշինյանին, իսկ էմբարգոն նրան իշխանությունից հեռացնելու հերթական քայլն է։ Ուզում եմ նորից կրկնել Հայաստանի վարչապետի համար. հարգելի Նիկոլ, փախի՛ր, փախի՛ր արագ, փախի՛ր առանց հետ նայելու ՀԱՊԿ-ից, Եվրասիական համայնքից, վազի՛ր դեպի Եվրամիություն, ՆԱՏՕ, դեպի նոր տարածաշրջանային միություններ։

Բայց ամենակարևորը՝ հեռացիր Ռուսաստանից, փրկիր քեզ և հայոց պետականությունը։ Պուտինը նման է բուլդոգի. նա կծում է ու բաց չի թողնում, քանի դեռ ատամները չի սեղմել։ Խուսափեք դրանից՝ գոյատևելու համար: Համոզված եմ, որ դեռ ուշ չէ: Եվ դադարեք տատանվել ու կասկածել: Ուշացումը նման է մահվան»:

Այս թեմայով Սաակաշվիլին շնորհավորական նամակ է հղել Ալիևին և գովաբանել նրան (լուսանկար) Սաակաշվիլին նոր քաղաքական նախաձեռնություն է սկսում ԵԱՀԿ-ն չկայացած, փլուզված կազմակերպություն է. Սաակաշվիլի «Պուտինը Ձեզ երբեք չէր ների»․ Սաակաշվիլին բաց նամակով դիմել է Փաշինյանին Վրաստանում լեհ բժշկին կասկածել են Սաակաշվիլիի անալիզների նմուշն իր հետ տանելու փորձի մեջ