Ռեփեր 2 Chainz-ը հոսպիտալացվել է ավտովթարից հետո

Ամերիկացի ռեփեր 2 Chainz-ը հոսպիտալացվել է ավտովթարից հետո։ Այս մասին հայտնում է TMZ-ը։

Միջադեպը տեղի է ունեցել դեկտեմբերի 4-ին Մայամիում, երբ երաժիշտը ստրիպտիզ ակումբից տուն էր վերադառնում։ Հրատարակության տվյալներով՝ Tesla-ի վարորդը, որը, հնարավոր է, հարբած է եղել, բախվել է ռեփերի մեքենային։

46-ամյա 2 Chainz-ը ստացել է պարանոցի վնասվածք ու մի քանի այլ վնասվածքներ և շարունակում է մնալ հիվանդանոցում: Հաղորդվում է, որ նրա վիճակը կայուն է։