Լեռնային Ղարաբաղի լուծարման գործընթացն անխուսափելի էր դարձել 2016 թվականի օգոստոսին. Փաշինյան

Մեր` իշխանության հասնելու պահին մեր արձանագրումը պիտի լիներ այն, որ, ըստ էության, այդ էմոցիոնալ ընկալման իրագործումն անհնար է: Մենք մեղավոր ենք, որ սրա մասին չենք խոսել մեր ժողովրդի հետ: Խնդիրն այն է, որ ես ինքս այդ պրագմատիկ իրողության հետ չեմ կարողացել հաշտվել մի քանի պատճառներով: Ես հասկացել եմ, որ էմոցիան և ռոմանտիզմն մի բան են, իրականությունն ու պրագմատիզմն` այլ բան: Այս մասին Իջևանում «Քաղաքացիական պայմանագիր» կուսակցության նախաձեռնող խմբի նիստի ժամանակ հայտարարել է ՀՀ վարչապետ Նիկոլ Փաշինյանը:

«Բանակցային այն իրավիճակը, որ մենք ժառանգել ենք, այդ իրավիճակում առաջ գնալու անխուսափելի ճանապարհը ոչ միայն տարածքների հանձնումն էր և այլն և այլն, այլև ԼՂ-ում պետական հաստատված կարգի լուծարումը և զրոյացումն էր: Առաջին անգամ այս մասին շատ զգույշ խոսել եմ Քննիչ հանձնաժողովում:  

Կարող եմ ավելի ազատ խոսել, ցավոք` ԼՂ-ում տեղի ունեցած իրադարձություններից հետո: Ես այն ժամանակ ասացի, որ թեկուզ ԼՂ-ի իշխանություններն այդ պահին լուծարեցին Լեռնային Ղարաբաղը, իրականում այդ գործընթացն անխուսափելի էր դարձել 2016 թ-ի օգոստոսի բանակցային գործընթացում տեղի ունեցած բովանդակային փոփոխությունների արդյունքում»,- ասել է նա: