Այրվել է վագոն-տնակ

Դեկտեմբերի 11-ին, ժամը 11։10-ին Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Մրգաշեն-Քանաքեռավան ավտոճանապարհին այրվում է վագոն-տնակ։

 

Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ:

 

Պարզվել է, որ հրդեհը բռնկվել է Քանաքեռավան գյուղի տներից մեկի մոտակայքում գտնվող վագոն-տնակում։

Հրդեհը մեկուսացվել է ժամը 11։42-ին, մարվել՝ 12։08-ին։ Այրվել են վագոն-տնակը (մոտ 20 քմ) և կենցաղային իրեր։