Միանգամից մի քանի դերասան հրաժարվել են վարել «Ոսկե գլոբուս» մրցանակաբաշխությունը

Ամերիկացի մի քանի դերասան հրաժարվել են վարել «Ոսկե գլոբուս» մրցանակաբաշխությունը, որը կկայանա 2024 թվականի հունվարի 7-ին։ Այս մասին հայտնում է CNN-ը։

Նշվում է, որ արտիստ և կատակերգու Քրիս Ռոքը հրաժարվել է միջոցառման վարողի պաշտոնից։

«Քրիս Ռոքը, ով նախկինում երկու անգամ վարել է «Օսկար»-ը, մեկն էր նրանցից, որ հրաժարվել է հունվարի 7-ին կայանալիք արարողությունը վարելու առաջարկից», - ասում են աղբյուրները:

Ռոքի օրինակին հետևել են դերասանուհի Էլի Վոնգը և SmartLess փոդքասթի երեք հաղորդավարներ Ջեյսոն Բեյթմանը, Շոն Հեյսը և Ուիլ Առնեթը:

«Ոսկե գլոբուսի» նախկին հաղորդավարներ Թինա Ֆեյը և Էմի Փոլերը նույնպես հրաժարվել են վարել արարողությունը: Ըստ աղբյուրների՝ նման միջոցառման հաղորդավարի պաշտոնն անշնորհակալ, դժվար աշխատանք է, քանի որ մրցանակը քաղաքականացված է։

Նրանց կարծիքով՝ «Ոսկե գլոբուսը» վարելու հնարավորությունն ավելի հարմար է սկսնակ կատակերգուներին, այլ ոչ թե կայացած աստղերին, որոնց համար նման աշխատանքը կարող է դառնալ «կեղտոտ կետ իրենց կարիերայում»՝ առաջացնելով երկրպագուների դժգոհությունը։