Քանյե Ուեսթի նոր կնոջ ծնողները դժգոհ են նրանց ամուսնությունից

Ամերիկացի ռեփեր Քանյե Ուեսթի նոր կնոջ ծնողները դժգոհ են իրենց դստեր ամուսնությունից։ Այս մասին հայտնում է Daily Mail-ը։

Անանուն ինսայդերներից մեկը լրագրողներին ասել է, որ դիզայներ Բիանկա Ցենզորիի հարազատները երաժշտին «անհանգստություն պատճառող» են համարում։ Ինսայդերի խոսքով՝ նրանց համար կասկածելի է, որ Ուեսթն ամուսնացել է հեռուստաաստղ Քիմ Քարդաշյանից բաժանվելուց մեկ ամիս անց։ «Նրանք իսկապես չէին ուզում, որ Բիանկան նման աղմկոտ ամուսնալուծությունից շեղվելու միջոց լինի», - հավելել է նա:

Բացի այդ, պարզվել է, որ Ցենզորի ընտանիքի անդամներին դուր չեն եկել հրեաների մասին արտիստի սկանդալային հայտարարությունները: «Իհարկե, Բիանկայի ծնողներն անհանգստացած են, որ իրենց դուստրն աշխարհով մեկ ճանապարհորդում է նրա հետ, հատկապես, երբ իր գործողությունների հետևանքով նա այդքան թշնամիներ է ձեռք բերել», - եզրափակել է հրատարակության աղբյուրը: