Հրապարակվել է Գագիկ Խաչատրյանին կալանավորելու միջնորդության վերաբերյալ որոշումը

Երևանի ընդհանուր իրավասության դատարանը մերժել է ՊԵԿ նախկին նախագահ, ֆինանսների նախկին նախարար Գագիկ Խաչատրյանին կալանավորելու միջնորդությունը, ըստ այդմ՝ Խաչատրյանը չի կալանավորվի:

Մեղադրող դատախազը կալանքի միջնորդություն էր ներկայացրել՝ նշելով, որ «Գագիկ Խաչատրյանը դրսևորում է ոչ պատշաճ վարքագիծ, ուղղորդում դատավարության մյուս մասնակիցներին, անընդհատ բացակայում է նիստերից»:

Դատավորը որոշումը հրապարակելիս նշել է, որ Գագիկ Խաչատրյանի մոտ առկա են համապատասխան բժշկական փաստաթղթերով հաստատված հիվանդություններ, իսկ բացակայությունը անհարգելի չեն, քանի որ ներկայացվել են փաստաթղթեր: