Ամուսնությունը բարձրացնում է արյան ճնշումը
Այլ
Ամուսնությունը կարող է կապված լինել արյան ճնշման բարձրացման հետ, ինչը հանգեցնում է հիպերտոնիայի զարգացման ռիսկի բարձրացման, գրում է Journal of the American Heart Association ամսագիրը՝ հղում անելով Արևմտյան Վիրջինիայի համալսարանի գիտնականների ուսումնասիրությանը: Այս վիճակն իր հերթին մեծացնում է ինսուլտի հավանականությունը։
Գիտնականները վերլուծել են արյան ճնշման տվյալները Մեծ Բրիտանիայից՝ 1086 զույգի, ԱՄՆ-ից՝ 3989-ի, Չինաստանից՝ 6514-ի և Հնդկաստանից՝ 22389-ի զույգի մոտ: Հետազոտությունը ցույց է տվել, որ ամուսնացածների շրջանում մոտ 9%-ով ավելի մեծ է արյան ճնշման բարձր լինելու հավանականությունը: Այս էֆեկտը հատկապես նկատելի էր նրանց մոտ, ովքեր ամուսնացել էին զուգընկերոջ հետ, ում մոտ ամուսնությունից առաջ արդեն ախտորոշվել էր արյան բարձր ճնշում։
Հետազոտության հեղինակները նշել են, որ բացահայտումներն ընդգծում են արյան բարձր ճնշումն ախտորոշելու և բուժելու համատեղ մոտեցումների կիրառման կարևորությունը:
Կենսակերպի փոփոխությունները, ինչպիսիք են ֆիզիկական ակտիվության ավելացումը, սթրեսի նվազեցումը կամ առողջ սննդակարգը, կարող են օգնել իջեցնել արյան ճնշումը: Այնուամենայնիվ, դժվար է դա անել ինքնուրույն, ուստի կարևոր է, որ երկու զուգընկերներն էլ միասին վարեն առողջ ապրելակերպ, նշել են հետազոտության հեղինակները:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
