Ռաֆայել Նազարյանն՝ «Արարատ»-ի գլխավոր մարզիչ
Սպորտ
Երևանի «Արարատ»-ի գլխավոր մարզչի պաշտոնը ստանձնել է Ռաֆայել Նազարյանը:
Այս մասին հայտնում է «Արարատ» ֆուտբոլային ակումբի մամուլի ծառայությունը:
48-ամյա մասնագետը մարզչական հարուստ փորձ ունի. աշխատել է «Փյունիկ»-ում, «Ուրարտու»-ում, «Արցախ»-ում և ԲԿՄԱ-ում: Նա նաև գլխավորել է Հայաստանի մինչև 19 և 21 տարեկանների հավաքականները:
Որպես ֆուտբոլիստ Ռաֆայել Նազարյանն իր կարիերան սկսել է «Արարատ»-ում՝ 1993-1997 թվականներին՝ թիմի կազմում դառնալով Հայաստանի չեմպիոն և քառակի գավաթակիր: Այնուհետև նա հանդես է եկել մի շարք ակումբներում, ինչպես նաև Հայաստանի ազգային հավաքականի կազմում անցկացրել է 23 խաղ՝ դառնալով մեկ գոլի հեղինակ:
Ռաֆայել Նազարյանի մարզչական շտաբում են ընդգրկվել մարզիչներ Տիգրան Գևորգյանը, Էրիկ Նազարյանը, Գևորգ Պողոսյանը և Նիկոլայ Սարգսյանը:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
