Արգենտինայի նախագահի խորհրդականի ձեռքին ռուսերեն դաջվածք են հայտնաբերել

Արգենտինայի նախագահի խորհրդական Սանտյագո Կապուտոյի ձեռքին ռուսերեն «բանտային» դաջվածքներ են նկատել։ Այս մասին հայտնում է Noticias պորտալը։

«Կապուտոյի ևս մեկ առանձնահատկությունն այն է, որ նրա մարմինը ծածկված է ռուսերենով դաջվածքներով, որոնք նա վերցրել է ընկերոջ՝ իրեն նվիրած գրքից, և որոնք բառացիորեն դարձել են նրա ողջ կյանքի կարգախոսը»,- գրում է հրատարակությունը։

Ըստ հրատարակության՝ գիրքը կոչվում է «Ռուսական հանցագործ դաջվածքների հանրագիտարան» և բաժանված է երեք հատորի՝ կարմիր, կապույտ և մանուշակագույն։

X սոցիալական ցանցի օգտատերերը հրապարակել են Կապուտոյի լուսանկարը, որտեղ նրա նախաբազուկին պարզ երևում է «Хата, дача и сберкнижка, катер, тачка и гараж успокоит мою блаж» ռուսերեն գրությունը։