Ադրբեջանը շահագրգիռ է տարածաշրջանում խաղաղության հաստատման հարցում․ Բայրամով

«Ադրբեջանը շահագրգիռ կողմ է տարածաշրջանում խաղաղության և կայունության հաստատման հարցում»: Այս մասին ասել է Ադրբեջանի արտաքին գործերի նախարար Ջեյհուն Բայրամովը Բաքվում ԱՄՆ նոր դեսպան Մարկ Լիբիի հետ առանձնազրույցի ժամանակ, հայտնում է Ադրբեջանի ԱԳՆ-ն։

«Հանդիպմանը քննարկվել են երկու երկրների միջև երկկողմ և բազմակողմ համագործակցության օրակարգը, տարածաշրջանում առկա իրավիճակը, ինչպես նաև Ադրբեջանի և Հայաստանի միջև կարգավորման գործընթացի հեռանկարները»,-ասվում է Ադրբեջանի ԱԳՆ տարածած հաղորդագրության մեջ։