Ադրբեջանը ՆԱՏՕ-ի գնահատման զորավարժություններ է անցկացրել

Ադրբեջանի ռազմաօդային ուժերը ՆԱՏՕ-ի «Օպերատիվ կարողությունների հայեցակարգի» շրջանակներում անցկացրել են «2-րդ մակարդակի ինքնագնահատման վարժանք», գրում են ադրբեջանական ԶԼՄ-ները։

 Մասնակիցներին տրվել են ցուցումները սցենարի, վարժանքների ընթացքի, անվտանգության կանոնների ու գնահատման մասին, բացատրվել են նպատակները։

Զորավարժությունների ընթացքում ստուգվել և բարձր են գնահատվել ուղղաթիռների և համապատասխան ստորաբաժանումների՝ օդային փոխադրումներ կատարելու (բեռների և զորքերի տեղափոխում, վիրավորների տարհանում) հմտություններն ու կարողությունները։