Անցնող աշխատանքային շաբաթը Շրջակա միջավայրի նախարարությանը ենթակա կառույցներում

Բնապահպանական ծրագրերի իրականացման գրասենյակում

Երկօրյա սեմինար-խորհրդակցություն է անցկացվել Կանաչ կլիմայի հիմնադրամին հավատարմագրված միջազգային կառույցների ներկայացուցիչների, Կլիմայի փոփոխության մասին» շրջանակային կոնվենցիայի և Փարիզյան համաձայնագրի պահանջների ու դրույթների կատարման միջգերատեսչական համակարգման խորհրդին կից աշխատանքային խմբերի անդամների, համայնքների և մասնավոր հատվածի ներկայացուցիչների հետ։

 

Հիդրոօդերևութաբանության և մոնիթորինգի կենտրոնում

Տնօրեն Լևոն Ազիզյանը հանդիպում է ունեցել «Սևանա լճի շրջակա միջավայրի պահպանություն» (EU4Sevan) ծրագրի ղեկավար Քրիստիան Հենշելի և ծրագրի ջրային ռեսուրսների համապարփակ կառավարման գծով խորհրդական Ալեքսանդր Առաքելյանի հետ: Հանդիպման նպատակը ծրագրի կողմից լաբորատորիայի շարունակական տեխնիկական վերազինման և աշխատակիցների կարողությունների զարգացմանն ուղղված քայլերն էին։ Ծրագրի միջոցներով ՊՈԱԿ-ի համար ձեռք է բերվել Սևանա լճի և ավազանի բնապահպանական մոնիթորինգի իրականացմանն անհրաժեշտ գույք։

 

Արգելոցապարկային համալիրում

Լեռների միջազգային օրվան նվիրված էկոկրթական միջոցառում է իրականացվել ՊՈԱԿ-ի և Լեռնային երկրների կայուն զարգացման կովկասյան ցանցի համատեղ ջանքերով:

Միջոցառման նպատակն էր բարձրացնել հանրության իրազեկվածության մակարդակը լեռնային էկոհամակարգերում առկա մարտահրավերների և վերականգնման ուղիների շուրջ:

 

«Խոսրովի անտառ» պետական արգելոցում

Այգեզարդի միջնակարգ դպրոց 6-րդ դասարանի աշակերտները բնապահպանական միջոցառման մասնակից են եղել, ծանոթացել են պետական արգելոցի պատմությանը, ջրագրությանը, լանդշաֆտներին և էկոհամակարգերին, բուսական և կենդանական աշխարհին, պատմամշակութային հուշարձաններին, արգելոցի տարածքում գտնվող երկու արգելավայրերին՝ «Գոռավանի ավազուտներին» և «Խոր Վիրապին», գործնական աշխատանքի միջոցով ամրապնդել բնապահպանական գիտելիքները։