ԱՄՆ-ում շաքարավազի դեֆիցիտ կա. ԶԼՄ-ներ

Լուիզիանայում և Մեքսիկայում երաշտը վերջերս հանգեցրել է ԱՄՆ շուկայում շաքարի մատակարարման նվազմանը, ինչը ստիպել է կոնֆետ արտադրողներին ներմուծել այն՝ մաքսատուրքերի պատճառով ավելի շատ վճարելով, իսկ վերջին մեկ տարվա ընթացքում հրուշակեղենը թանկացել է 13%-ով, հայտնում է Bloomberg-ը։

Ամերիկյան կոնֆետ արտադրողները ի վերջո ստիպված են եղել բարձրացնել իրենց ապրանքների գները։ Հրուշակեղենի գները նոյեմբերի 25-ին 12 ամիսների ընթացքում աճել են 13,4%-ով, հայտնում է NIQ հետազոտական ​​ընկերությունը։ Սա ամենաբարձր ցուցանիշն է բոլոր մթերային ապրանքների մեջ։

Ինչպես նշում է գործակալությունը, ԱՄՆ-ում գործում է կառավարական ծրագիր, որն ուղղված է շաքար արտադրողների շահույթի պաշտպանությանը և ամերիկյան շուկայի «հեղեղումը» այլ երկրների ապրանքներով կանխելուն։ Դրանք սահմանափակում են ներքին շուկայում վաճառվող շաքարի ծավալը, ինչպես նաև ավելի ցածր սակագներով արտասահմանյան մատակարարումները։ Արդյունաբերության որոշ ներկայացուցիչներ ասում են, որ նման կանոնները վնասում են արտադրողներին:

«Միացյալ Նահանգները ներկայումս մեծ անհանգստության պահ է ապրում, երբ խոսքը վերաբերում է շաքարի մատակարարմանը: Ծրագիրն ուղղված է շաքարի գնի բարձրացմանը», - գրում է Bloomberg-ը։

«Մենք պարզապես եկանք այն եզրակացության, որ ավելի լավ է շաքարավազի համար ավելի շատ վճարել և այն փոխանցել սպառողներին, քան ընդհանրապես մնալ առանց դրա»,-գրում է գործակալությունը։