Գազայի հատվածում փախստականների ճամբարի վրա հարձակման հետևանքով զոհերի թիվը գերազանցել է 100-ը

Գազայի հատվածի հյուսիսում գտնվող Ջաբալիա փախստականների ճամբարին իսրայելական հարվածների հետևանքով՝ առնվազն 90 մարդ է զոհվել։ Այս մասին Al Jazeera-ին հայտնել է անկլավի առողջապահության նախարարությունը։

Բացի այդ, Առողջապահության նախարարության գլխավոր տնօրեն Մունիր ալ-Բուրշը հայտնել է, որ Իսրայելը հարվածել է երկու բնակելի շենքերի, ինչի հետևանքով՝ զոհվել է առնվազն 33 մարդ, այդ թվում՝ առնվազն 15 երեխա։ Ավելի քան 100 մարդ անհետ կորել է։

Իսրայելի և ՀԱՄԱՍ-ի միջև պատերազմը շարունակվում է հոկտեմբերի 7-ից։ Այն սկսվեց Իսրայելի տարածքի վրա պաղեստինյան շարժման հարձակմամբ: Զոհվել է 1,2 հազար իսրայելցի, վիրավորվել՝ 5,4 հազարը։ Իսրայելը պատասխան ռազմական գործողություն է իրականացնում, որի արդյունքում՝ զոհվել է ավելի քան 19 հազար պաղեստինցի, վիրավորվել՝ 51 հազար մարդ։ Գազայի հատվածում սպանվածների մեծ մասը կանայք և երեխաներ են։