«Ադրբեջանի համար խաղաղության օրակարգի ճանապարհին այլևս խոչընդոտներ չկան»․ Հաջիև

Ադրբեջանը մեծ խոչընդոտներ չի տեսնում իր հարևան Հայաստանի հետ կայուն խաղաղության պայմանագրի ստորագրման համար և կարծում է, որ իրենց սահմանների որոշման հարցը կարող է առանձին լուծվել, երեքշաբթի ասել է ադրբեջանցի բարձրաստիճան պաշտոնյան, հաղորդում է Reuters-ը։

«35 տարի տևած հակամարտությունն այժմ ավարտված է»,- Լոնդոնում լրագրողներին ասել է Ալիևի արտաքին քաղաքականության գլխավոր խորհրդական Հիքմեթ Հաջիևը։ «Ադրբեջանի ռազմավարությունն այժմ խաղաղություն ձեռք բերելն է։ (Սա) պահանջում է գործողություն երկու կողմերից»,– ասել է նա:

«Խաղաղության պայմանագիրը հրթիռային գիտություն չէ»,- հավելել է Հաջիևը,– «Ադրբեջանի համար խաղաղության օրակարգի ճանապարհին այլևս խոչընդոտներ չկան»։

Խոսելով բռնահանված արցախցիների իրավունքի հարցից՝ Ադրբեջանի նախագահի օգնականն ասել է, թե «Արցախի 120,000 էթնիկ հայերի մեծ մասը տեղահանվել է Հայաստան այն բանից հետո, երբ Ադրբեջանը վերցրել է այդ տարածքը: Հայաստանը դա որակել է որպես էթնիկ զտում։ Բաքուն նշում է, որ նրանք կարող էին մնալ և ինտեգրվել Ադրբեջանին»,- ասել է Հաջիևը։