Ինչ մեղքս թաքցնեմ, ամոթ էլ է ասելը, բայց ես Մեծամորի թանգարանում առաջին անգամ եղել եմ ամռանը՝ 5-6 ամիս առաջ. Փաշինյան

Տարոնիկ գյուղի ճանապարհը վերանորոգվել է, ինչի արդյունքում նաև «Մեծամոր» պատմահնագիտական արգելոց-թանգարանում զբոսաշրջիկների ակտիվության միտում է նկատվում, բայց տեղանքում տարածքի բարեկարգման և կահավորման անհրաժեշտություն կա: Այս մասին այսօր՝ դեկտեմբերի 21-ին, Կառավարության նիստին հնչած մտահոգությանն ի պատասխան՝ ԿԳՄՍ նախարարը տեղեկացրեց, որ պատմամշակութային արգելոց-թանգարանների տեղեկատվական մոդուլային կենտրոնների կառուցման շրջանակում նախատեսվում է նաև «Մեծամոր» արգելոց-թանգարանի տարածքի բարեկարգում:

«Մեր ծրագրերում կա: Մենք Կառավարության որոշման դաշտ ենք բերում այն փուլում, երբ բոլոր անհրաժեշտ փաստաթղթերի հետ կապված աշխատանքներն ավարտված են»,- ասաց Ժաննա Անդրեասյանը:

Վարչապետ Նիկոլ Փաշինյանն արձագանքեց. «Մեծամորի թանգարանը շատ մեծ պոտենցիալ ունի, իմիջիայլոց, նաև Հայաստանում հանրահռչակման անհրաժեշտություն ունի, որովհետև շատ կարևոր մշակութային հաստատություն է: Ինձ թվում է՝ այս ծրագրի մեջ կներառենք»:

ԿԳՄՍ նախարարը ևս ընդգծեց. «Մեծամոր» թանգարան-արգելոցը հսկայական պոտենցիալ ունի, և հանրահառչակման առումով այս տարի նրանք շատ հետաքրքիր ցուցադրություն էին կազմակերպել մետրոյում, այսինքն՝ շրջիկ ցուցադրություն էին կազմակերպել, որպեսզի հա՛մ իրազեկվածություն բարձրացնեն, հա՛մ ավելի շատ հնարավորություն ունենան այցելու ներգրավելու»,- ասաց նախարարը և տեղեկացրեց, որ այս տարի փոխվել է տոմսերի գնային քաղաքականությունը, ինչի արդյունքում շուրջ 50 տոկոսով ավելացել են արգելոց-թանգարանների եկամուտները:

Նիկոլ Փաշինյանը խոստովանեց, որ առաջին անգամ Մեծամորի թանգարանում եղել է 5-6 ամիս առաջ. «Ինչ մեղքս թաքցնեմ, ամոթ էլ է ասելը, բայց ես Մեծամորի թանգարանում առաջին անգամ եղել եմ ամռանը՝ 5-6 ամիս առաջ, չնայած միշտ իմ պլաններում եղել է այցելել Մեծամորի թանգարան: Համոզված եմ՝ մ եր գործընկերներից շատերը չեն եղել»,-ասաց նա:

Վարչապետը դիմելով աշխատանքի եւ սոցիալական հարցերի նախարար Նարեկ Մկրտչյանին, հարցրեց. «Դուք Արմավիրի մարզից եք, եղե՞լ եք Մեծամորի թանգարանում»:

Նախարարը պատասխանեց. «Ոչ միայն ես, նաև ՆԳ նախարար պարոն Ղազարյանը»:

«Ուրեմն կառավարության առնվազն 3 Անդամ գիտենք, որ Մեծամորի թանգարանում եղել է»,- արձանագրեց Փաշինյանը:

Այս թեմայով Միքայել սրբազանն իմ մասին էլ է խոսել, բայց դադարեցրեք վիրավորանքները. Բագրատ սրբազան (տեսանյութ) «Երևան-Էջմիածին-Երևան, 50 կիլոմետր»․ Փաշինյանը կրկին հեծանիվ է վարել (տեսանյութ) Նիկոլ Փաշինյանի ստախոսությունը հերքվեց սահմանադրական դատարանի որոշման մակարդակով. Լեւոն Զուրաբյան ՔՊ-ական «Շիշ բռնող» մականվամբ հայտնի պատգամավորի մերձավորի ֆիրման 21 մլն դրամաշնորհ է ստացել և լուծարվել Ես չէի մասնակցի, կողքն էլ չէի կանգնի. քաղաքացիները՝ Աննա Հակոբյանի կազմակերպած ընթրիքի մասին