Անջելինա Ջոլին դատապարտել է ՄԱԿ-ին՝ անարդարության համար

Ամերիկացի դերասանուհի և ՄԱԿ-ի բարի կամքի նախկին դեսպան Անջելինա Ջոլին դատապարտել է այն փաստը, որ արդարությունը գոյություն ունի մարդկանց մի խմբի համար, բայց ոչ մյուս խմբերի, որը, ըստ նրա, առկա է «նույնիսկ ՄԱԿ-ում»:

Սիրիացի լրագրող Վաադ Ալ-Քաթեաբի հետ զրույցում դերասանուհին պատմել է, որ 20 տարի առաջ, երբ սկսել է աշխատել միջազգային ասպարեզում, պատկերացում ուներ «լավ տղաների» մասին՝ կոնկրետ երկրների կամ անհատների, բայց փորձի հետ հասկացավ, որ դա ճիշտ չէր:

Ջոլին նշել է, որ մարդու իրավունքներն անհավասարաչափ են բաշխված ամբողջ աշխարհում, և աշխարհը գործում է «բիզնես շահերի» հիման վրա և դա անվանել է «տգեղ իրադրություն»: «Բիզնես շահերը (կան) նույնիսկ ՄԱԿ-ում, որն ունի վետոյի վերջնական իրավունքը: Միշտ այդպես է եղել»,- ասել է նա։

Դերասանուհին նաև նշել է, որ կառավարությունները, քաղաքական գործիչները և որոշում կայացնողները խոստումներ ու հայտարարություններ են անում, բայց դրանք հաճախ հանգեցնում են նրան, որ «ոչինչ չի փոխվել և ոչինչ չի փոխվում»։