Էմի Ուայնհաուսի հայրը դատի է տվել ընկերուհիներին
Ժամանց
Էմի Ուայնհաուսի (1983-2011) հայրը՝ Միթչը դատի է տվել նրա ընկերուհիներին, ովքեր աճուրդում վաճառել են երգչուհու անձնական իրերը։ Այս մասին հայտնում է Daily Mail-ը՝ հղում կատարելով դատական փաստաթղթերին։
73-ամյա տաքսու վարորդ Միթչ Ուայնհաուսը հայց է ներկայացրել Լոնդոնի Գերագույն դատարան՝ ընդդեմ Նաոմի Փերիի և Կատրիոնա Գուրլեի։ Նա նրանցից պահաջում է ավելի քան 930 հազար դոլար։
Ըստ հայցի՝ Փերին և Գուրլեն Ուայնհաուսի իրերն աճուրդի են հանել 2021 և 2023 թվականներին։ Նրանք վաճառել են իրենց անունով, հոր խոսքով` ապօրինի յուրացնելով իրերը։
Հայտնի է, որ Փերին 2005 թվականից աշխատել է որպես Ուայնհաուսի ոճաբան, համագործակցել է արտիստի հետ, մեկնել հյուրախաղերի և նույնիսկ ապրել նրա հետ։
Եթե դատարանը որոշի հօգուտ Ուայնհաուսի, ապա շահած գումարը կփոխանցվի երգչուհու անունը կրող բարեգործական հիմնադրամին, որն օգնում է թմրամոլությունից և ալկոհոլից կախվածություն ունեցող մարդկանց։
Էմի Ուայնհաուսը մահացել է 2011 թվականի ամռանը։ Նա 27 տարեկան էր։
Ամենադիտված 
Մնաս բարյավ. Րաֆֆի Հովհաննիսյան
