Խաղաղության պայմանագիրն ամեն ինչ 100 տոկոսով չի լուծելու. Բայրամով

Խաղաղության պայմանագիրն ամեն ինչ 100 տոկոսով չի լուծի։ Այս մասին ադրբեջանական հեռուստատեսությանը տված հարցազրույցում հայտարարել է արտգործնախարար Ջեյհուն Բայրամովը։

Նա հայտարարել է, թե «Ադրբեջանն է խաղաղ համաձայնագրի հետ կապված բոլոր կարևոր նախաձեռնությունների հեղինակը»։

«Գործընթացը կախված չէ մի կողմի ցանկությունից։ Այստեղ կարևոր է, որ երկու կողմերն էլ համապատասխան քայլեր ձեռնարկեն։ Ադրբեջանի ինքնիշխանության ամբողջական վերականգնումից հետո մենք ուշադիր հետևում ենք Հայաստանի քաղաքական ղեկավարության ուղերձներին։ Մենք նաև դրական արձագանքներ ենք լսում»,-ասել է Բայրամովը:

«Հայաստանին ներկայացվել է մեկ ամսվա ընթացքում մեր մշակած առաջարկների փաթեթը։ Գործընթացը շարունակվում է։ Կարծում եմ՝ հանդիպումները կկայանան 2024 թվականին։ Մենք իրատեսորեն ու լավատեսորեն ենք նայում այս հարցին։ Միաժամանակ, երբ մենք խոսում ենք խաղաղության պայմանագրի մասին, պետք է հասկանանք, որ այն ամեն ինչ 100 տոկոսով չի լուծելու»,- ասել է Բայրամովը։