Ավստրալական բրենդը քննադատության է ենթարկվել կանացի լողազգեստը տղամարդու միջոցով գովազդելու համար
Այլ
Ավստրալական Moana Bikini ապրանքանիշը քննադատության է ենթարկվել այն բանից հետո, երբ գովազդել է կանացի լողազգեստ, որը կրել է տղամարդ մոդելը։
Moana Bikini–ն, որը պատկանում է ավստրալացի ինֆլյուենսեր Կարինա Իրբիին, Instagram-ում կիսվել է մոդել Ջեյք Յանգի մասնակցությամբ հոլովակով, որում ներկայացվում է 99 դոլար արժողությամբ լողազգեստ։ «Տարված եմ այս կերպարով»,- տեսանյութը մակագրել է ընկերությունը։
Այնուամենայնիվ, շատ օգտատերեր ասել են, որ տեսանյութի պատճառով կդադարեն հետևել ընկերության էջին, իսկ մյուսները քննադատել են ապրանքանիշին կանանց լողազգեստներ վաճառելու համար տղամարդկանց օգտագործելու պատճառով:
«Սա տղամա՞րդ է։ Ես կարծում էի, թե դուք խոսում եք կանանց իրավունքների տարածման ու հնարավորությունների մասին»,– մեկնաբանել է Instagram-ի օգտատերերից մեկը։
Ընկերությունն ինքը քննադատներին պատասխանել է. «Եթե մեր բիկինիով Ջեյքը ձեզ այդքան վրդովեցնում է, կարծում ենք, որ խնդիրը, գուցե, ձեր մեջ է»:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
