Ադրբեջանը Հայաստանի դրական քայլը դարձնում է էսկալացիայի և բացասական հռետորաբանության առիթ. ՀՀ ԱԳՆ
Արտաքին Քաղաքական
Ինչպես բազմիցս նշվել է, Հայաստանը, ներառյալ՝ որպես վստահություն կառուցելու միջոց, Ադրբեջանին է փոխանցել իր տրամադրության տակ եղած բոլոր ականապատ դաշտերի քարտեզները՝ ստանալով դրանք Լեռնային Ղարաբաղի պաշտոնյաներից, այս մասին ասված է ՀՀ ԱԳՆ–ի հայտարարության մեջ։
ՀՀ ԱԳՆ–ից հայտնել են, որ առաջնորդվելով մարդասիրական նպատակներով՝ Հայաստանը նոր քարտեզներ է պատրաստել Լեռնային Ղարաբաղի նախկին պաշտոնյաներից ճշտումներ անելու միջոցով՝ քարտեզներն Ադրբեջանին փոխանցելու նպատակով։
«Ցավոք, այս նախաձեռնությունն անմիջապես արժանացավ ադրբեջանական կողմի խիստ բացասական և հեգնական արձագանքին` ժխտելով Հայաստանի վստահության ամրապնդման ջանքերը, շարունակելով շահարկել թեման և Հայաստանի դրական քայլը դարձնելով էսկալացիայի ու բացասական հռետորաբանության առիթ»,– նշված է X-ում հրապարակված հայտարարությունում։
ՈՒՂԻՂ ԵԹԵՐ
Ամենադիտված 
Պայթյուն՝ Երևանում․ Կան վիրավորներ
