Առանց ԱՄՆ-ի օգնության` իրավիճակն Ուկրաինայում «շատ բարդ» է լինելու. Շոլց
Աշխարհ
Եվրոպան կշարունակի օգնություն ցուցաբերել Ուկրաինային, սակայն առանց ԱՄՆ-ի՝ իրավիճակը ծայրահեղ կբարդանա։
Այդ մասին Վաշինգտոնում հայտարարել է Գերմանիայի կանցլեր Օլաֆ Շոլցը, հաղորդում է ՏԱՍՍ–ը։
«Եվրոպան կարող է մեծ ներդրում ունենալ, բայց առանց Միացյալ Նահանգների ներդրման, Ուկրաինայի համար իրավիճակը շատ ու շատ բարդ կլինի», - ասել է կանցլերը: «Մենք ցանկանում ենք միասին խուսափել դրանից: Հուսով եմ, որ ամբողջ Կոնգրեսը կկայացնի այս որոշումը [Կիևին օգնություն հատկացնելու մասին]»,- հավելել է Գերմանիայի կաբինետի ղեկավարը։
«Պատերազմը կարող է ավարտվել ցանկացած պահի, բայց ոչ այնպես, ինչպես պատկերացնում է [Ռուսաստանի նախագահ Վլադիմիր] Պուտինը՝ Ուկրաինայի կապիտուլյացիայով», - պնդել է Շոլցը։ Նրա խոսքով՝ Ռուսաստանն ինքը պետք է «վերջ դնի պատերազմին և պայմաններ ստեղծի, որպեսզի հնարավոր լինի խաղաղ լուծում»։
Ամենադիտված 
Մնաս բարյավ. Րաֆֆի Հովհաննիսյան
