Գիտնականները պարզել են, թե ինչպես կարելի է բարելավել սրտի առողջությունը միջին տարիքում

Նոր ուսումնասիրությունը ցույց է տվել, որ անկանոն քունը կապված է միջին տարիքի մարդկանց սրտանոթային առողջության վատթարացման հետ, սակայն ֆիզիկական ակտիվությունը կարող է օգնել հակազդել դրան, հայտնում է Health.com-ը։

Գիտնականները պարզել են, որ վատ քունը կարող է հանգեցնել արյան մեջ շաքարի ու ճարպի մակարդակի բարձրացման, ինչպես նաև հիպերտոնիայի: Այնուամենայնիվ, ֆիզիկական ակտիվությունը կարող է հակազդել քնի պակասի որոշ հետևանքներին:

Մեկ այլ ուսումնասիրություն ցույց է տվել, որ քնելու հետ կապված դժվարություններ ունենալը, գիշերվա ընթացքում արթնանալը կամ օրական վեց ժամից պակաս քնելը կարող է գրեթե եռապատկել սրտային հիվանդությունների ռիսկը:

Գիտնականները ենթադրում են, որ վատ քունը կարող է նպաստել նստակյաց կենսակերպին և անառողջ սննդակարգին: Բացի այդ, հնարավոր է, որ քնի պակասը վատթարացնում է սրտի և արյան անոթների աշխատանքի կառավարումը, ինչի համար պատասխանատու է վեգետատիվ նյարդային համակարգը։ Միևնույն ժամանակ, մարմինը մշտապես գտնվում է սթրեսի մեջ՝ «խփիր կամ փախիր» վիճակում։

Քունը լավացնելու համար կարևոր է քնել մութ, զով տեղում, ասել են փորձագետները Health-ին: Օրվա ընթացքում ֆիզիկական ակտիվությունը, սովորական հանգստացնող գործողությունները քնելուց առաջ (ընթերցանություն կամ տաք լոգանք) և քնելուց առաջ գաջեթներից խուսափելը նույնպես նպաստում են լավ քնին: