«Միսս Գերմանիա» մրցույթում հաղթել է ծնունդով իրանցի 39-ամյա կինը (լուսանկարներ)

Բեռլինում բնակվող 39-ամյա ճարտարապետ Ապամե Շյոնաուերը հաղթել է «Միսս Գերմանիա» մրցույթում, հայտնում է DW-ն։

Ինչպես ասել է Շյոնաուերը, որը ծնվել է Թեհրանում, բայց վեց տարեկանից ապրում է Գերմանիայում, մտադիր է աջակցել ներգաղթյալ երիտասարդ կանանց։ Մրցույթի ընթացքում երկու երեխաների մայրն ընդգծել է իր հավատարմությունը կանանց իրավունքների համար պայքարին` կենտրոնանալով Իրանում տիրող իրավիճակի վրա:

«Միսս Գերմանիա» մրցույթի հաղթողը կստանա «Female Leader Award» մրցանակը, որի դրամական մասը կազմում է 25000 եվրո։

Կազմակերպիչների տվյալներով՝ մրցույթին մասնակցելու հայտ է ներկայացրել 15000 կին։ Եզրափակչում Շյոնաուերը կարողացավ հաղթել ութ մրցակիցներին։